Viðburðir

300 fyrirlestrar um flest það sem viðkemur uppeldis- og menntavísindum Menntakvika leiðir saman á hverju ári fjölda fagfólks og hagsmunaaðila sem láta sig menntun varða. Ráðstefnan fer fram í október ár hvert og þar eru kynntar rannsóknir um það sem efst er á baugi í menntavísindum hér á landi. Ráðstefnan er öllum opin og þátttakendum að kostnaðarlausu.

Þjóðarspegillinn, ráðstefna í félagsvísindum, er haldinn ár hvert við Háskóla Íslands. Í rúma tvo áratugi hefur ráðstefnan verið vettvangur fyrir fræðilega umræðu um það sem efst er á baugi á sviðinu.

Aquatic Massage Therapy námskeið í fyrsta skiptið á Íslandi. Námskeiðið verður haldið 21.-25.ágúst 2019 í Mörkinni, Suðurlandsbraut 64, 108 Reykjavík. 8 manns komast að. Kröfur: að þú sért fagaðili; sjúkranuddari, sjúkraþjálfari, iðjuþjálfi, þroskaþjálfi, vinnir með fólki í endurhæfingu eða að vinna með fólk í vatni eins og flotþerapíu ofl. Kennarar: Claudia Salzmann lögg sjúkranuddari frá Kanada og Elsa Lára Arnardóttir lögg sjúkranuddari á Íslandi

Þróun og rannsóknir í þroskaþjálfafræðum. Hádegiserindi á vegum þroskaþjálfabrautar vormisseri 2019 Þroskaþjálfabraut býður upp á fimm hádegiserindi á misserinu þar sem gerð er grein fyrir nýjum rannsóknum í þroskaþjálfafræðum sem varða menntun, samfélagslega stöðu ólíkra hópa fólks og fjölbreyttan starfsvettvang þroskaþjálfa. Erindin fara fram í stofu H-001 kl. 11.40-12.30

Þróun og rannsóknir í þroskaþjálfafræðum. Hádegiserindi á vegum þroskaþjálfabrautar vormisseri 2019 Þroskaþjálfabraut býður upp á fimm hádegiserindi á misserinu þar sem gerð er grein fyrir nýjum rannsóknum í þroskaþjálfafræðum sem varða menntun, samfélagslega stöðu ólíkra hópa fólks og fjölbreyttan starfsvettvang þroskaþjálfa. Erindin fara fram í stofu H-001 kl. 11.40-12.30

Þróun og rannsóknir í þroskaþjálfafræðum. Hádegiserindi á vegum þroskaþjálfabrautar vormisseri 2019 Þroskaþjálfabraut býður upp á fimm hádegiserindi á misserinu þar sem gerð er grein fyrir nýjum rannsóknum í þroskaþjálfafræðum sem varða menntun, samfélagslega stöðu ólíkra hópa fólks og fjölbreyttan starfsvettvang þroskaþjálfa. Erindin fara fram í stofu H-001 kl. 11.40-12.30

Þróun og rannsóknir í þroskaþjálfafræðum. Hádegiserindi á vegum þroskaþjálfabrautar vormisseri 2019 Þroskaþjálfabraut býður upp á fimm hádegiserindi á misserinu þar sem gerð er grein fyrir nýjum rannsóknum í þroskaþjálfafræðum sem varða menntun, samfélagslega stöðu ólíkra hópa fólks og fjölbreyttan starfsvettvang þroskaþjálfa. Erindin fara fram í stofu H-001 kl. 11.40-12.30

Í fyrirlestrinum mun dr. Dean Adams fjalla um með hvaða hætti atferlismótun er beitt með ákveðnum hópum fatlaðs fólks, sérstaklega fólki með þroskahömlun og atferlisskerðingar. Kastljósinu verður einkum beint að raflostaðferðum sem notaðað eru á Judge Rothenberg Center í Bandaríkjunum. Jafnframt verður kynnt gagnrýni samtaka einhverfs fólks á beitingu aðferða hagnýtrar atferlisgreiningar. Fyrirlesturinn er haldinn í samstarfi Deildar menntunar og margbreytileika á Menntavísindasviði og Rannsóknarseturs í fötlunarfræðum á Félagsvísindasviði.

Liat Ben-Moshe í Tjarnarsal Ráðhúss Reykjavíkur fimmtudaginn 4. október næstkomandi klukkan 15.00. Fyrirlesturinn verður á ensku. Í fyrirlestrunum verður fjallað um tengsl tveggja hreyfinga sem miða að því að aflétta innilokun fólks. Önnur þeirra berst fyrir afnámi fangelsa en hin fyrir lokun sólarhringsstofnana fyrir fólk sem skilgreint er með „þroskahömlun“ eða „geðræn veikindi“, og kennd er við afstofnanavæðingu. Í fyrirlestrinum verða eftirfarandi spurningar settar fram og þær ræddar: Hvers vegna er mikill fjöldi fatlaðs fólks í fangelsum í Bandaríkjunum? Hvað gerist þegar þess er krafist að stofnunum fyrir fólk með vitsmunalegar eða geðrænar skerðingar verði lokað? Hvað getum við lært af reynslunni af afstofnanavæðingu þegar hugsað er um hvað á að gera við fangelsi dagsins í dag? Hvernig getur sjónarhorn fötlunar hjálpað til að skilja fjölgun fanga í Bandaríkjunum?

Af hverju og með hvaða hætti er mikilvægt að líta á fötlun sem hluta af margbreytileika háskólasamfélagsins á sama hátt og t.d. kyn og stétt? Í fyrirlestrinum mun dr. Liat Ben-Moshe fjalla um undirokun og seiglu fatlaðra háskólakennara og menenda sem berjast fyrir háskólasamfélagi sem býður alla velkomna. Erindið er táknmálstúlkað.

Málstofa á vegum Rannsóknarstofu í þroskaþjálfafræðum þriðjudaginn 8. maí kl. 13.00-15.00 í stofu K-208 á Menntavísindasviði við Stakkahlíð. Diana (Dee) Katovitch, Fulbright sérfræðingur við Menntavísindasvið Háskóla Íslands, fjallar um háskólanám án aðgreiningar. Dee er aðstoðarforstöðumaður og verkefnastjóri jafningjastuðnings (peer-to-peer program) við InclusiveU sem er nám ætlað ungu fólki með þroskahömlun við Syracuse Háskóla í Bandaríkjunum. Á málstofunni mun Dee kynna þróun InclusiveU námsleiðarinnar, áskoranir og tækifæri. Einnig verður rætt um mikilvægi þess að háskólanám sé aðgengilegt öllum nemendum. Á málstofunni gefst tækifæri til að ræða stöðu mála hér á landi.

Miðvikudaginn 13. desember 2017, kl. 14.00 ver Ciara S. Brennan doktorsritgerð sína: Sjálfstætt líf og notendastýrð persónuleg aðstoð á Norðurlöndum: Sjónarhorn mannréttinda (The Nordic Experience of Independent Living and Personal Assistance: A Human Rights Approach) Vörnin fer fram í Hátíðarsal Háskóla Íslands og er öllum opin. Athöfnin fer fram á ensku og verður rittúlkuð.

Samningur SÞ um réttindi fatlaðs fólks. Umbreytingatæki fyrir jöfn borgararéttindi um allan heim. Gerard Quinn, prófessor við lagadeild National University of Ireland, Galway. Í fyrirlestrinum fjallar dr. Gerard Quinn um tilurð Samnings SÞ um réttindi fatlaðs fólks og deilir með áheyrendum vonum og væntingum þeirra sem tóku þátt í gerð þessa nýja mannréttindasáttmála. Meðal þess sem einkenndi vinnuna var virk þátttaka fatlaðs fólks í öllu ferlinu. Dr. Quinn mun fjalla sérstaklega um hvaða áhrif þetta hafði á vinnubrögð og endanlega gerð sáttmálans. Hann beinir jafnframt sjónum að þeim lýðræðislegu nýjungum í sáttmálanum sem gera kröfu um náið samstarf stjórnvalda við samfélagsþegna og félagasamtök um stefnumótun í málefnum fatlaðs fólks. Þessi tegund samstarfs gerð það kleift að unnt var að þróa áherslur í sáttmálanum umfram hefðbundnar áherslur á jöfn tækifæri og setja sjálfræði með viðeigandi stuðningi í öndvegi. Þá mun hann lýsa þeim róttæku kerfisbreytingum sem, að hans mati, þurfa að eiga sér stað á þjónustu við fatlað fólk þannig að hún mæti í raun þörfum þess. Í lokin mun hann bregða ljósi á þær breytingar sem mannréttindasáttmálinn hefur nú þegar leyst úr læðingi um allan heim.

Ráðstefna í félagsvísindum er haldinn í október ár hvert við Háskóla Íslands. Um 150 fyrirlestrar eru fluttir í u.þ.b. 45 málstofum sem fjalla um það sem efst er á baugi í rannsóknum á sviði félagsvísinda á Íslandi. http://fel.hi.is/spegillinn

Vorráðstefna Greiningar- og ráðgjafarstöðar ríkisins verður haldin á Grand Hótel Reykjavík dagana 12.-13. maí 2016. Yfirskrift ráðstefnunnar í ár er Litróf fatlana - Sjaldan er ein báran stök. Takið dagana frá - nánari upplýsingar birtast hér fyrir páska.