Ný framtíðarsýn og starfsþróun þroskaþjálfa í alþjóðlegu ljósi, langtímarannsókn

Fagráð bauð til fræðslu 2. desember 2015, frá kl 15:00 – 17:00 í húsnæði félagsins að Borgartúni 6, 3. hæð.

Kristín Lilliendahl aðjúnkt og Vilborg Jóhannsdóttir lektor  gáfu í tveimur erindum innsýn í langtímarannsókn sem þær eru að vinna að og beinir sjónum að menntun og störfum þroskaþjálfa í alþjóðlegu ljósi.  

Í fyrra erindinu Ný framtíðarsýn  fagstéttar þroskaþjálfa í fjórum löndum Evrópu mun  Kristín varpa ljósi á framtíðarsýn og helstu áskoranir fagstéttar þroskaþjálfa hér á landi og í þremur öðrum löndum Evrópu, þ.e. Í Danmörku, Noregi og Spáni.  Horft er sérstaklega frá sjónarhóli fagfélaga. 

Í seinna erindinu Starfsþróun fagstéttar þroskaþjálfa í ljósi nýrra áskorana beinir Vilborg sjónum að starfsþróun íslenskra þroskaþjálfa með áherslu á þær áskoranir sem mæta henni þegar hún færir sig til á breiðum starfsvettvangi.  Bæði erindin byggja á niðurstöðum úr þeim hluta langtímarannsóknarinnar er skoðar stöðu og þróun starfa íslenskra þroskaþjálfa á grundvelli þróunar sambærilegrar fagstéttar í Evrópu.

Hér má sjá röð myndbanda frá fræðslunni.