Yfirlit frétta

Fyrir 25 árum, hófst starf NFFS (nordisk forum for socialpedagoga ). Þar hafa Norðurlöndin skipst á hugmyndum, reynslu og þekkingu og fjöldi skýrslna og bæklinga verið gefnir út. Í tilefni af þessu mikilvæga samstarfi í 25 ár, var í dag, gefin út ritið JUBILÆUM: 25 ÅRS NORDISK SAMARBEJDE GIVER STYRKE. Í ritinu má lesa meðal annars um starf þroskaþjálfa hjá skóla og frístundasviði Reykjavíkurborgar

Fræðsla ætluð þroskaþjálfum á vegum Fagráðs ÞÍ. "Birtingarmynd ofbeldis - áhrifavaldar og áhættuþættir - áhrifaríkar leiðir gegn ofbeldi og mikilvægi góðra samskipta." Guðmundur Sævar Sævarsson, réttargeðhjúkrunarfræðingur heldur erindið.

Þann 13. desember 2006 samþykkti Allsherjarþing Sameinuðuþjóðanna sáttmála Sameinuðu þjóðanna um réttindi fatlaðs fólks. Aldrei í sögu Sameinuðu þjóðanna hafa jafnmörg ríki undirritað mannréttindasáttmála við opnun undirritunar en hún var 30. mars 2007 og skrifðu þá alls 120 ríki og Evrópusambandið undir sáttmálann. Hann tók gildi 3. maí 2008 þegar 20 ríki höfðu fullgilt hann. Ísland var eitt síðasta Evrópuríkið til að fullgilda hann en það varð að raunveruleika þann 20. september 2016.

Konur eru hvattar til að leggja niður vinnu kl. 14:38 mánudaginn 24. október og fylkja liði á samstöðufund á Austurvelli, kl. 15:15 undir kjörorðinu KJARAJAFNRÉTTI STRAX! Í fréttatilkynningu frá aðstandendum Kvennafrídagsins 2016 kemur fram að meðal atvinnutekjur kvenna eru 70,3% af meðal atvinnutekjum karla. Konur eru því með 29,7% lægri meðaltal atvinnutekna. Samkvæmt því eru konur búnar að vinna fyrir sínum launum eftir 5 klukkustundir og 38 mínútur miðað við fullan vinnudag frá kl. 9–17. Daglegum vinnuskyldum kvenna er því lokið kl. 14:38.

Vinnueftirlitið hefur gefið út nýtt fræðslu- og leiðbeiningarrit með tilhlutan velferðarráðuneytisins. Ritinu er ætlað að leiðbeina og styðja stjórnendur og aðra á vinnustöðum í að fyrirbyggja og bregðast við einelti, kynferðislegri áreitni, kynbundinni áreitni og öðru ofbeldi á vinnustöðum. Skipulagðar forvarnir á vinnustöðum er líklegastar til að skila bestum árangri. Þar skiptir mestu að efla félagslegt vinnuumhverfi með góðri stjórnun og öflugu vinnuverndarstarfi.

Markmiðið er að gefa flokkunum tækifæri til að kynna stefnu sína og áherslur í málefnum er varða hagsmuni háskólafólks sérstaklega og svara spurningum um þær. Fundirnir verða haldnir dagana 18., 19. og 20. október milli kl. 12:00 og 13:00 í Rúgbrauðsgerðinni, Borgartúni 6, 4. hæð.

BHM hefur sent fjárlaganefnd Alþingis umsögn um lagafrumvarp um Lífeyrissjóð starfsmanna ríkisins (LSR) þar sem gerðar eru athugasemdir við frumvarpið og lagðar fram tillögur um breytingar á því. Frumvarpið byggir á nýlegu samkomulagi milli annars vegar bandalaga opinberra starfsmanna og hins vegar ríkis og sveitarfélaga um framtíðarskipan lífeyrismála á opinberum vinnumarkaði. Athugasemdir BHM eru í þremur liðum og lúta í meginatriðum að því að frumvarpið sé ekki fyllilega í samræmi við fyrrnefnt samkomulag. Nánar tiltekið telur BHM að frumvarpið tryggi ekki réttindi allra núverandi sjóðfélaga í A-deild sjóðsins, eins og samkomulagið kveður á um.

Alþingi samþykkti í dag samhljóða þingsályktunartillögu Lilju Alfreðsdóttur utanríkisráðherra um að fullgilda samning Sameinuðu þjóðanna um réttindi fatlaðs fólks. Þá ályktaði Alþingi jafnframt að valkvæður viðauki við samninginn skuli einnig fullgiltur fyrir árslok 2017. Samningurinn og valkvæði viðaukinn voru undirritaðir af hálfu Íslands 30. mars 2007, en markmið þeirra er að fatlað fólk njóti allra mannréttinda og mannfrelsis til fulls og jafns við aðra.

Bandalag háskólamanna (BHM), BSRB og Kennarasamband Íslands (KÍ) undirrituðu í dag samkomulag við ríki og sveitarfélög um breytingar á skipan lífeyrismála opinberra starfsmanna. Með samkomulaginu er endi bundinn á viðræðuferli sem staðið hefur með hléum frá árinu 2009 og hefur haft að markmiði að samræma lífeyrisréttindi á opinberum og almennum vinnumarkaði.