Undirritun kjarasamnings Þroskaþjálfafélags Íslands við ríkið

Í gær undirritaði Þroskaþjálfafélag Íslands samkomulag við Fjármála- og efnahagsráðherra f.h. ríkissjóðs, um breytingar og framlengingu á kjarasamningi aðila. Það var gert í samfloti við 10 önnur aðildarfélög BHM.

Samninganefndir ellefu aðildarfélaga BHM stóðu frammi fyrir því að taka afstöðu til tilboðs Samninganefndar ríkisins. Í ljósi fordæmalausrar stöðu í samfélaginu var ákveðið að bera samninginn undir félagsmenn í atkvæðagreiðslu.

Gildandi kjarasamningur framlengist frá 1. apríl 2019 til 31. mars 2023 með þeim breytingum og fyrirvörum sem í samkomulaginu felst og fellur þá úr gildi án frekari fyrirvara.

Samningurinn verður kynntur félagsmönnum sem starfa hjá ríkinu og rafræn kosning fer fram í kjölfarið.

Vegna samkomubanns mun kynningin fara fram með rafrænum hætti. Félagsmönnum hjá ríkinu hafa verið sent nú þegar fundarboð.

BHM- félögin ellefu eru:

• Dýralæknafélag Íslands (DÍ)
• Félag geislafræðinga (FG)
• Félag íslenskra hljómlistarmanna (FÍH)
• Félag íslenskra náttúrufræðinga (FÍN)
• Félag lífeindafræðinga (FL)
• Félagsráðgjafafélag Íslands (FÍ)
• Iðjuþjálfafélag Íslands (IÞÍ)
• Kjarafélag viðskiptafræðinga og hagfræðinga (KVH)
• Ljósmæðrafélag Íslands (LMFÍ)
• Sálfræðingafélag Íslands (SÍ)
• Þroskaþjálfafélag Íslands (ÞÍ)