Stuðningur við félagsráðgjafa
22.09.2011
Þroskaþjálfafélag Íslands lýsir yfir fullum stuðningi við félagsráðgjafa í kröfum þeirra um bætt kjör og að fá leiðrétingu launa sinna.
Félagsráðgjafar sinna mikilvægu starfi af metnaði og dugnaði. Mikil fagleg uppbygging hefur átt sér stað á liðnum árum og oft á tíðum við erfiðar aðstæður eftir „kreppuna“. Samfélagið felur félagsráðgjöfum mikla ábyrgð sem stéttin stendur svo sannarlega undir. Sá hópur sem þeir sinna mega ekki við því að missa þá þjónustu sem félagsráðgjafar sinna hjá Reykjavíkurborg. Veruleg hætta er á brotthvarfi úr stéttinni ef kjör félagsráðgjafa verða ekki leiðrétt. Þroskaþjálfafélag Íslands hvetur því viðsemjendur félagsráðgjafa til að virða starf þeirra að verðleikum. Það er löngu tímabært að meta starf þeirra sem sinna samborgurum sínum til jafns við önnur störf.
