Fyrsti fundur ÞÍ og samninganefndar ríkisins var 14. apríl
16.04.2008
Fyrsti fundur ÞÍ og samninganefndar ríkisins var í gær, 14. apríl í húsakynnum sáttasemjara. Á fundinum kynntu aðila helstu áherslur í komandi viðræðum. ÞÍ fer fram með víðtæka kröfugerð en leggur áherslu á hækkun launa til samræmis við laun háskólamenntaðra starfsmanna á almennum vinnumarkaði. Í ljósi þeirra óvissu sem nú ríkir í efnahagsmálunum fer ÞÍ fram á að samningstíminn verði stuttur. Kjarasamningurinn verður að tryggja að kaupmáttur haldi sér auk þess sem byrjað verði á að leiðrétta laun þroskaþjálfa þannig að kjör þeirra verði að fullu sambærileg kjörum háskólamanna með sambærilega menntun og ábyrgð hvort sem um ræðir opinberan eða almennan markað.
Samninganefnd ÞÍ skipa:
Salóme Þórisdóttir
Þóroddur Þórarinsson
Huldís Franksdóttir
Jónina Árnadóttir
Guðbjörg Björnsdóttir
Guðrún Guðmundsdóttir
Sigríður Rut Hilmarsdóttir
Sigríður Rut Hilmarsdóttir
Kröfugerð ÞÍ:
Nýr kjarasamningur taki gildi frá og með 30. apríl 2008. Gildistími 10 -12 mánuðir.
· Laun taki mið af launum háskólamenntaðra starfsmanna á almennum vinnumarkaði.
· Stofnanaþáttur kjarasamnings verði unninn samhliða miðlægum hluta. Stofnanasamningar skulu hafa sama gildistíma og miðlægur kjarasamningur. Gera skal sjálfstæða stofnanasamninga við hverja Svæðisskrifstofu málefna fatlaðra fyrir sig.
· Launaskrið sem byggir m.a. á .
· Starfsaldri
· Menntun
· Frammistöðu og sérstakri færi
· Álagstengdum þáttum
· Almennri launaþróun
· Tryggð verði réttarstaða félagsmanna við breytingar á ríkisstofnunum, s.s. skipulagsbreytingar, samruni, flutningur verkefna eða breytt rekstrarform
· Réttur vegna veikinda aukinn
· Vegna veikinda barna skilgreinist vegna veikinda námkominna
· Vegna hlutaveikinda
· Veikindi teljist í stundum
· Hækkun orlofs- og desemberuppbóta.
· Hærri greiðslur fyrir vinnu á stórhátíðardögum.
· Hærri greiðslur vegna vinnu utan dagvinnutíma.
· Endurskilgreining vinnutíma
· Fastlaunasamningar
· Vinna utan starfsstöðva
· Vaktavinna
· Réttur til endur- og símenntunar aukinn og tryggður.
Áskilinn er réttur til að breyta og bæta við kröfum eftir því hvernig viðræður þróast
