Fræðsla á vegum BHM

08.10.2008
Til baka
Fræðsla á vegum BHM

Eftirfarandi upplýsingar eru af BHM síðunni. 

Fræðsla í október

Í október býður BHM félagsmönnum aðildarfélaga upp á áframhaldandi vandað fræðsluefni. Þema októbermánaðar er "Samskipti og einelti á vinnustöðum". Námskeið mánaðarins verður haldið mánudaginn 13. október, kl. 12-16, og er opið öllum félagsmönnum.

Námskeið

Námskeiðið ber titilinn "Samskipti og einelti á vinnustöðum" og er haldið í samvinnu við sálfræðistofuna Líf og sál. Leiðbeinendur eru sálfræðingarnir Einar Gylfi Jónsson og Þórkatla Aðalsteinsdóttir.

Skráningar fara fram hjá Jónu Jónsdóttur, móttökufulltrúa, jona(hjá)bhm.is - sendið tölvupóst með eftirfarandi upplýsingum:

Fullt nafn
Kennitala
Aðildarfélag
Símanúmer

Athugið að takmarkaður fjöldi plássa er á námskeiðið.

Fyrirlestur

Erna Guðmundsdóttir, lögfræðingur BHM, heldur fyrirlestur um einelti í lagalegu samhengi. Fyrirlesturinn er haldinn í fundarsal BHM, Borgartúni 6, miðvikudaginn 29. október, kl. 12. Léttar hádegisveitingar eru í boði og því biðjum við gesti að skrá sig með því að senda tölvupóst til Jónu móttökufulltrúa, jona(hjá)bhm.is.

Afmælisráðstefna BHM

Bandalag háskólamanna heldur upp á 50 ára afmæli samtakanna þann 23. október. Í tilefni dagsins verður haldið opið málþing á Grand hótel Reykjavík. Fylgist með á heimasíðunni - dagskrá verður birt síðar.

Til baka