Aðstoðarverkstjórnandi NPA þjónustu

Ég er 38 ára karlmaður og er að leita að aðstoðarverkstjórnanda NPA þjónustu.

Ég þarfnast aðstoðar í daglegu lífi, bý í eigin íbúð og er með bíl til umráða. Ég er félagslyndur og hef áhuga á tónlist, leiklist, myndlist og ferðalögum.

Ég er í hlutastarfi hjá Menntavísindasviði Háskóla Íslands, í stjórn Átaks félags fólks með þroskahömlun, er í stjórn Listar án landamæra, er í Tjarnarleikhópnum og í tónlistarnámi.

Hlutverk aðstoðarverkstjórnanda er að aðstoða mig við að reka heimili og bíl, halda utan um starfsmannahópinn, skipuleggja aðstoðina, aðstoða mig í vinnu og við að vera virkur þátttakandi í þjóðfélaginu.

Um er að ræða fjölbreytt og skemmtilegt starf í starfsmannahópi upp á 8-10 manns.

Vinnutími er mánudaga-fimmtudaga 8-16 og föstudaga 8-12.

Æskilegur aldur aðstoðarverkstjórnanda er 23-45 ár.

Laun eru greidd til samræmis við kjarasamning ÞÍ við Reykjavíkurborg.

Hæfniskröfur:

• Þroskaþjálfi með starfsleyfi frá Landlæknisembætti Íslands
• Ökuréttindi
• Góð íslenskukunnátta
• Umsækjandi þarf að hafa hreint sakavottorð

Umsóknarfrestur er til 25. ágúst.

Áhugasamir hafi samband við Gunnhildi Gísladóttur, í síma 842 4535 eða í tölvupósti: gungisladottir@gmail.com.